"Манчестер Юнайтед" дарвозбони Андре Онана қишда Камерун терма жамоаси билан қитъа турнирида иштирок этади.
The Telegraph нашрига кўра, Онана Камерун терма жамоаси сафида январь ойида бўлиб ўтадиган Африка Миллатлар Кубогида иштирок этишга рози бўлди. Бу ҳолатда у "МЮ"нинг 7 та ўйинида майдонга туша олмайди.
27 ёшли дарвозбон ўтган ёзда 50 миллион евро эвазига "Интер"дан "МЮ"га трансфер қилинган эди. У бу мавсумда 14 та ўйинда 24 та гол ўтказиб юборди ва 4 та баҳсда дарвозаси дахлсизлигини сақлаб қолди.