"Manchester Yunayted" darvozboni Andre Onana qishda Kamerun terma jamoasi bilan qit’a turnirida ishtirok etadi.
The Telegraph nashriga ko‘ra, Onana Kamerun terma jamoasi safida yanvar oyida bo‘lib o‘tadigan Afrika Millatlar Kubogida ishtirok etishga rozi bo‘ldi. Bu holatda u "MYU"ning 7 ta o‘yinida maydonga tusha olmaydi.
27 yoshli darvozbon o‘tgan yozda 50 million yevro evaziga "Inter"dan "MYU"ga transfer qilingan edi. U bu mavsumda 14 ta o‘yinda 24 ta gol o‘tkazib yubordi va 4 ta bahsda darvozasi daxlsizligini saqlab qoldi.