«Манчестер Сити» марказий ҳимоячиси Жон Стоунс клуб билан шартномасини узайтириши мумкин.
29 ёшли футболчининг амалдаги шартномаси 2026 йилда тугайди, аммо «шаҳарликлар» раҳбарияти англиялик футболчи билан 2027 йилгача шартнома тузмоқчи, дея хабар беради журналист Стив Кай.
Жон Стоунс 2016 йилнинг августидан буён «Манчестер Сити»да ўйнаб келмоқда. У «Сити» сафида барча мусобақалар доирасида 233 та ўйинда майдонга тушиб, 15 та гол ва 3 та голли узатмага муаллифлик қилган.
Марказий ҳимоячи жароҳати сабаб жорий мавсум бошини ўтказиб юборди, шунинг учун у майдонга бор-йўғи тўрт марта тушди.
