Саудиянинг “Ал-Аҳли” клуби ярим ҳимоячиси Габри Вейга Европага қайтиши мумкин.
Август ойида 21 ёшли футболчи “Сельта”ни тарк этиб, Саудия Арабистонига кўчиб ўтди. Бу трансфер испанияликнинг ёши ва Европанинг етакчи чемпионатлари вакилларининг унга бўлган қизиқиши туфайли энг кўп муҳокама қилинганлардан бирига айланди. Fichajes нашрининг сўзларига кўра, "Ньюкасл" Вейгани ноқонуний пул тикиш туфайли дисквалификация қилинган Сандро Тоналининг ўрнини босувчи футболчи сифатида аниқлаган. Келишув, эҳтимол, январь ойида амалга ошиши мумкин.
"Ал-Аҳли" Габри Вейгани 40 миллион евро эвазига сотиб олди. Футболчи Саудия Арабистони чемпионатининг еттита учрашувида биттадан голли узатмани амалга оширган.