"Бавария" бош мураббийи Томас Тухель Германия кубоги 2-саралаш босқичи доирасида Германия 3-дивизиони вакили "Саарбрюккен" жамоасидан учралган сенсацион мағлубият (1:2) ҳақида фикр билдирди.
"Биз бирга ғалаба қозонамиз ва бирга мағлуб бўламиз. Бу оғир мағлубият, оғир оқшом бўлди. Ҳозир кимнидир айблаш вақти эмас, айниқса омма олдида. Вақтимиз йўқ, биз олдинга қараб ҳаракатланишимиз керак.
Бизда 14 ўйиндан иборат мағлубиятсиз серия бор эди, аммо бугун мағлубият учун энг ёмон вақт бўлди, чунки бу ўйин турнирда жон сақлаб қолиш учун эди. Бу бизнинг футбол ҳаётидаги сўнгги мағлубиятимиз бўлмайди - биз мағлубиятни ёмон кўрамиз, лекин биз олдинга боришимиз керак - мен ҳеч кимни айбламайман", - деди Тухель Bayern & Germany билан суҳбатда.
