«Барселона» «Жирона» футболчиси Савио Морейрага қизиқиш билдирмоқда.
Чап қанот ҳимоячиси позициясини «кўк-анорранглилар» ёзги трансфер ойнасида кучайтирмоқчи. «Барселона» бош мураббийи Хави бозорни ўрганишни сўради.
Шу тариқа, «Жирона»да «Троя»дан ижара асосида ўйнаётган Савио Морейра «Барса»нинг қизиқиш доирасига тушди.
Каталония жамоаси янада ривожланишга қодир ёш ўйинчиларни ўз сафига қўшиб олишга интилади ва 19 ёшли бразилиялик бу таърифга мос келади.
Қайд этилишича, «Барселона» спорт директори Деку футболчини «Атлетико Минейро» ёшлар академиясини тарк этиб, 16 ёшида Бразилия чемпионатида дебют қилганидан бери яхши билади.
Ла Лиганинг жорий мавсумида Савио 11 та ўйинда майдонга тушиб, 3 та гол ва 4 та голли узатмани амалга оширди.