Франциялик мураббий Зинедин Зидан нима сабабдан бир қатор клублардан бўлаётган таклифларни рад этаётганининг сабабини айтди.
“Футболчи бўлганимда деярли ҳар қандай клубни танлашим мумкин эди. Мураббий сифатида 50 та клубга боролмайман. Икки ёки учта имконият бор. Бошқа сабабларга кўра ҳамма жойга бора олмайман. Қайси сабаб? Масалан, тил. Муайян шартлар вазифани қийинлаштиради.
Одамлар менга: "Манчестерга боришни хоҳлайсизми?" дейишади. Мен инглиз тилини тушунаман, лекин уни тўлиқ билмайман. Турли клубларни бошқармаслигимнинг сабабларидан бири ҳам шу.
Биламан, клубларга тилни билмасдан борадиган мураббийлар бор, лекин мен бошқача ишлайман”, - деди мутахассис.
