Fransiyalik murabbiy Zinedin Zidan nima sababdan bir qator klublardan bo‘layotgan takliflarni rad etayotganining sababini aytdi.
“Futbolchi bo‘lganimda deyarli har qanday klubni tanlashim mumkin edi. Murabbiy sifatida 50 ta klubga borolmayman. Ikki yoki uchta imkoniyat bor. Boshqa sabablarga ko‘ra hamma joyga bora olmayman. Qaysi sabab? Masalan, til. Muayyan shartlar vazifani qiyinlashtiradi.
Odamlar menga: "Manchesterga borishni xohlaysizmi?" deyishadi. Men ingliz tilini tushunaman, lekin uni to‘liq bilmayman. Turli klublarni boshqarmasligimning sabablaridan biri ham shu.
Bilaman, klublarga tilni bilmasdan boradigan murabbiylar bor, lekin men boshqacha ishlayman”, - dedi mutaxassis.
