Ҳуқуқлари «Барселона»га тегишли бўлган 33 ёшли германиялик ярим ҳимоячи Илкай Гюндоган фаолиятини Франция чемпионатида давом эттириш имкониятига эга.
Todofichajes журналистларининг ёзишича, футболчини ўз сафига «ПСЖ» қўшиб олмоқчи. Париж клуби устози Луис Энрике тажрибали ярим ҳимоячи билан шартнома имзолашнинг асосий ташаббускори ҳисобланади.
Гюндоган ўтган ёзда «Манчестер Сити»дан «Барса» лагерига кўчиб ўтганди. Илкайнинг каталонияликлар билан тузган меҳнат шартномаси 2025 йилнинг ўрталарига қадар тузилган. Ярим ҳимоячининг трансфер қиймати 20 миллион еврога баҳоланмоқда.