«Челси» «Арсенал» дарвозабони Аарон Ремсдейл хизматларига қизиқмаяпти. Бу ҳақда журналист Фабрицио Романо хабар бермоқда.
Манбанинг хабарига кўра, Лондон клуби ҳали дарвозабон позициясини мустаҳкамламоқчи эмас ва қишки трансфер ойнасида бошқа футболчилар билан шартнома имзолашни мақсад қилган.
Жорий мавсумда 25 ёшли Ремсдейл «Арсенал» таркибида 7 та ўйин ўтказиб, ўз дарвозасидан 8 та гол ўтказиб юборди ва иккита учрашувда ўз дарвозаси дахлсизлигини сақлаб қола олди. Transfermarkt портали англиялик дарвозабонни 32 миллион еврога баҳоламоқда.
