Леверкузеннинг "Байер" клубининг ёш иқтидори Флориан Вирц футбол бўйича Европанинг топ-5 чемпионатлари ўйинчилари орасида голли узатмалар сони бўйича энг яхши футболчи, деб хабар беради Transfermarkt портали. Рейтингда фақат Премьер-лига, Ла Лига, Лига 1, Бундеслига ва А Серия футболчилари ҳамда барча турнирлардаги барча расмий учрашувлар ҳисобга олинди.

Шундай қилиб, Вирц 13 учрашувда 8 та голли узатмани амалга оширди. "Вулверхэмптон"нинг португалиялик вингери Педру Нету 10 ўйинда 7 та голли узатма билан иккинчи ўринда. Учинчи ўринни учта ўйинчи бўлишди - Киран Триппьер ("Ньюкасл"), Харри Кейн ("Бавария") ва Маркус Тюрам (Интер) - уларнинг ҳар бири еттитадан голли узатмага эга.