"Интер" бош директори Жузеппе Маротта яна Лаутаро Мартинес билан янги шартнома борасидаги музокаралар ҳақидаги саволга жавоб берди.
Аргентиналик форвард клубда қолишни истаётганини тан олди, “Интер” эса ўзингизга маълумки, ўз сардорини янги шартнома билан тақдирлашга тайёр.
“Лаутаро? Айрим футболчилар билан шартномани узайтириш борасида музокаралар олиб бормоқдамиз. Ҳамма нарса муаммосиз кетмоқда ва вазият бизни ташвишга солаётгани йўқ. Ҳозир бор эътиборимизни «Аталанта» ва «Зальцбург» билан бўладиган ўйинларга қаратишимиз керак", - дея Мароттанинг сўзларини келтиради журналист Даниэле Мари.
Лаутаро Мартинеснинг "Интер" билан амалдаги шартномаси 2026 йилгача мўлжалланган.