Мадриднинг “Реал” клуби ярим ҳимоячиси Арда Гюлер яқин орада дебют ўйинини ўтказишга умид қилмоқда.
18 ёшли футболчи июль ойида "Лос-Бланкос" сафига қўшилган, бироқ жароҳатлар туфайли ҳалигача Карло Анчелотти жамоасида бирорта ҳам расмий ўйин ўтказмаган. Журналист Марио Кортегананинг фикрича, туркиялик футболчининг узоқ кутилган дебюти тез орада бўлиб ўтиши керак. Гюлернинг фикрича, у оптимал формага эришган ва майдонга тушишга 100 фоиз тайёр - энди ҳаммаси Анчелоттининг қарорига боғлиқ.
5 октябрь куни Мадрид гранди Ла Лига доирасида "Райо Вальекано"ни қабул қилади.
Арда Гюлер 20 миллион евро эвазига Туркиянинг “Фенербахче” клубидан “Реал”га ўтганди.
