Инсайдер Фабрицио Романо ижтимоий тармоқлари орқали аргентиналик Лионель Месси йилнинг энг яхши ёш футболчисини танлашда қандай овоз бергани ҳақида хабар берди.

36 ёшли форвард “Бавария” вингери Жамол Мусиалани биринчи ўринга қўйди. Иккинчи ўринни “Барселона” ярим ҳимоячиси Педри эгаллаган бўлса, кучли учликни эса нуфузли совринни қўлга киритган “Реал” ярим ҳимоячиси Жуд Беллингем якунлади.

Эслатиб ўтамиз, Беллингем ўтган ёзда Дортмунднинг "Боруссия"сидан 103 миллион евро эвазига "Реал"га ўтган эди. Жорий мавсумда 20 ёшли англиялик футболчи “Лос-Бланкос” сафида 13 та ўйин ўтказиб, 13 та гол ва 3 та голли узатмага муаллифлик қилган.