"Аякс" раҳбарияти жорий мавсумдаги даҳшатли стартдан сўнг таркибни тозалашни бошлаш ниятида.
Стивен Бергвейн бу қишда Амстердам клубини тарк этиши кутилмоқда, чунки у чиқиш рўйхатидаги биринчи футболчилардан бири. Хабарга кўра, футболчи қишда Саудия Арабистони, Қатар ёки БААга кўчиб ўтиши мумкин. Қайд этилишича, футболчининг отаси аллақачон трансфер вариантларини кўриб чиқмоқда.
Эслатиб ўтамиз, Бергвейн 2022 йилдан буён "Аякс"да ўйнайди. Жорий мавсумда форвард 12 та ўйинда майдонга тушиб, 5 та гол урди ва иккита голли узатмани амалга оширди.
