"Манчестер Сити" бош мураббийи Пеп Гвардиола "Борнмут"га қарши ўйин натижаларини сарҳисоб қилди.

АПЛнинг 11-турида “шаҳарликлар” 6:1 ҳисобида зафар қучди. Жереми Доку гол урди ва 4 та голли узатмани амалга оширди.

"Уларнинг орқада бешта ўйнашини кутмагандик. Керакли дақиқаларда гол урдик, улар иккинчи бўлимни биздан яхшироқ бошлашди. Яккама-якка ўйнаганда, улар тажовузкор бўлишди. Жамоа 0:3 ҳисобида мағлуб бўлса, мен буни жуда ҳурмат қиламан, лекин унинг ўйинчилари ҳал қилувчи тарзда яккама-якка ўйнашди.

Доку ҳақида:

"У жуда тез кўникди. Гап фақат бугунги ўйинда эмас, у барча учрашувларда жуда яхши ўйнамоқда. Биз жуда хурсандмиз".

Бернарду ҳақида:

"У муҳим футболчи, у иккита ажойиб гол урди. Иккинчи гол билан бўлган эпизодда у Месси каби ўйнади, Месси буни кўп марта қиларди. Унинг бу ерда эканлигидан ҳамма хурсанд".

Холанднинг жароҳати ҳақида:

"Биз таваккал қилишни хоҳламадик, у ноқулайликни ҳис қилди. У эҳтимол сешанба куни, балки, кейинги якшанба куни сафга қайтар" - деди Гвардиола.