"Манчестер Сити" бош мураббийи Пеп Гвардиола Эрлинг Холанднинг жароҳати ҳақидаги саволга жавоб берди.
Норвегиялик ҳужумчи АПЛ доирасида "Борнмут"га қарши ўйинда (6:1) майдонга тушди, аммо иккинчи бўлим бошланишидан олдин жароҳати туфайли алмаштирилди.
"Эрлинг тўпиғини қайриб олди. У ўзини ноқулай ҳис қилди ва биз уни хавф остига қўйишни хоҳламадик. Умид қиламанки, бу жуда жиддий эмас. Ўйлайманки, у сешанба кунигача қайтади, аммо кейинги якшанбагача кутишга ҳам тўғри келиши мумкин", - деди Гвардиола BBC билан суҳбатда.
7 ноябрь куни "шаҳарликлар" Чемпионлар лигасида "Янг Бойз"га, 11 ноябрь куни эса Премьер-лига доирасида "Челси"га қарши баҳс олиб боради.
