"ПСЖ" вингери Усмон Дембеле Луис Энрикенинг мураббийлик усулларидан мамнун.
Франциялик футболчи парижликлар сафида 13 ўйинда бирорта ҳам гол ура олмаган, бироқ испаниялик мутахассис унинг ўйинига қойил қолишини бир неча бор таъкидлаган. Le Parisen нашрининг ёзишича, Дембеле ҳам устози ҳақида юқори фикрда. Қайд этилишича, Энрике футболчи билан ажойиб алоқа ўрнатган. Усмонга мутахассиснинг жамоа билан муносабати ёқади.
Дембеле "ПСЖ" сафида 3 та голли узатмани амалга оширди. Лига 1 гранди футболчини ўтган ёзда "Барселона"дан трансфер учун тахминан 50 миллион евро тўлаб сотиб олганди.