Руминиялик мутахассис Мирча Луческу Киевнинг “Динамо” клуби бош мураббийлигидан кетиши ҳақида фикр билдирди. Мураббийнинг истеъфоси ҳақида бир неча кун аввал маълум қилинганди.
"Мен нафақага чиқиш вақти келди деб қарор қилдим. Ёшларга йўл бериш керак бўлган пайт келди. Мен бу қарор ҳақида узоқ вақт ўйладим, клуб президенти билан гаплашдим ва унга ёшроқ мутахассис бош мураббий бўлса яхши бўлишини айтдим", - деди Луческу Prosport.ro билан суҳбатда.
Киев клубидан кетганидан кейин Луческу фаолиятини якунлашга қарор қилди. Александр Шовковский “Динамо” жамоасига мураббий вазифасини бажарувчи этиб тайинланди.
