Аргентина терма жамоаси ҳужумчиси Лионель Месси ЖЧ-2022да Нидерландия терма жамоаси билан бўлган қарама-қаршиликни эслади. Учрашув "альбиселесте"нинг ғалабаси билан якунланган (2:2, пенальтилар - 4:3).
"Ўйиндан бир неча кун олдин рақиблар бизга зарар етказмоқчи бўлган баёнотлар беришни бошлади. Хусусан, бош мураббий ван Гал ва Мемфис Депай буни амалга оширди. Учрашув давомида нидерландиялик футболчилар, айниқса, пенальтилар сериясида ғирромлик қилишди. Учрашув якунлангач, улар бизни ёвуз одам қилиб кўрсатишни хоҳлашди, аммо рақобат майдонда қолиши керак", - дея 36 ёшли форварднинг сўзларини келтиради L'Equipe.
Эслатиб ўтамиз, Аргентина терма жамоаси жаҳон чемпиони бўлган, Месси эса турнирнинг энг яхши футболчиси деб топилган эди.
