Лиссабоннинг «Спортинг» клуби ярим ҳимоячиси Гени Катамо Англия премьер-лигасининг топ-клубида ўйнаш имкониятига эга. Бу ҳақда Football Transfers хабар бермоқда.
Манбага кўра, 22 ёшли африкалик футболчининг хизматларига Лондоннинг «Арсенал» клуби қизиқиш билдирмоқда.
Катамонинг трансфер нархи 1,5 миллион еврога баҳоланмоқда. Ярим ҳимоячининг португаллар билан тузган меҳнат шартномаси 2025 йилнинг июнь ойи охиригача амал қилади.
Англия чемпионатининг сўнгги ўйинида «канонирлар» «Ньюкасл»дан минимал 0:1 ҳисобида мағлуб бўлишди.
Премьер-лиганинг 11-туридан сўнг Микель Артета шогирдлари 24 очко жамғариб, турнир жадвалида учинчи ўринда бормоқда.
