Европа футбол ассоциациялари иттифоқи (УЕФА) мухлислар томонидан трибунада Фаластин байроғини кўрсатгани учун «Селтик»га нисбатан интизомий иш очди.
Шотландия клуби мухлислари бир неча бор фаластинликларни қўллаб-қувватлаб чиқишган. Хусусан, 25-октябрь куни бўлиб ўтган Чемпионлар лигаси доирасидаги «Атлетико»га (2:2) қарши ўйинда мухлислар йиғилиш ўтказишди.
«Селтик» футбол клубига қарши УЕФА тартиб-интизом регламентининг «спорт руҳига тўғри келмайдиган имо-ишоралар, сўзлар, нарсалар ёки провокацион хабарларни етказишнинг бошқа воситаларидан фойдаланиш» моддаси бўйича иш очилди.
Воқеа, хусусан, сиёсий, мафкуравий, диний ёки ҳақоратомуз хусусиятга эга бўлган провокацион хабарларни ўз ичига олган», — дея таъкидлади ташкилот матбуот хизмати.
Қайд этилишича, УЕФАнинг назорат, этика ва интизом бўйича органи ўз вақтида «Селтик» борасида қарор қабул қилади.