Мадриднинг «Реал» клуби вингери Браим Диас Англия премьер-лигасида ўйнаш имкониятига эга. Бу ҳақда Todofichajes журналистлари хабар бермоқда.
24 ёшли испаниялик ярим ҳимоячининг трансферига Лондоннинг «Вест Хэм» клуби қизиқмоқда. «Болғачилар» январь ойидаги трансфер ойнасида ўйинчини ўз сафига қўшиб олмоқчи.
Браимнинг трансфер нархи 20 миллион еврога баҳоланмоқда ва унинг «Реал» билан шартномаси 2027 йилнинг июнь ойи охиригача амал қилади.
Испания чемпионатининг жорий мавсумида Диас саккизта ўйинда иштирок этди. Ярим ҳимоячи битта гол урди.