Madridning «Real» klubi vingeri Braim Dias Angliya premyer-ligasida o‘ynash imkoniyatiga ega. Bu haqda Todofichajes jurnalistlari xabar bermoqda.
24 yoshli ispaniyalik yarim himoyachining transferiga Londonning «Vest Xem» klubi qiziqmoqda. «Bolg‘achilar» yanvar oyidagi transfer oynasida o‘yinchini o‘z safiga qo‘shib olmoqchi.
Braimning transfer narxi 20 million yevroga baholanmoqda va uning «Real» bilan shartnomasi 2027 yilning iyun oyi oxirigacha amal qiladi.
Ispaniya chempionatining joriy mavsumida Dias sakkizta o‘yinda ishtirok etdi. Yarim himoyachi bitta gol urdi.