"Ливерпуль" ярим ҳимоячиси Доминик Собослаи ўзини чарчаган ҳис қилса ҳам жамоанинг ҳар бир ўйинида ўйнашни хоҳлашини айтди.
"Ҳамма асосий таркибда бўлишни хоҳлайди, бу нормал ҳолат. Ҳар бир жамоада шундай бўлиши керак.
Ким захирада ўриндиғида ўтиришдан хурсанд? Тўғрисини айтсам, шундай футболчилар бор. Дарҳақиқат, мен бу "Ливерпул"га келгунимга қадар бу ерда шундай футболчилар бўлган.
Номларини айтмайман, лекин бу ҳақда эшитганман. Шахсан мен бироз чарчаган бўлсам ҳам, хоҳ Англия кубоги, хоҳ Лига кубоги, хоҳ Европа лигаси, хоҳ Премьер-лига, хоҳ терма жамоа, хоҳ нима бўлишидан қатъий назар ҳар бир ўйинда ўйнашни хоҳлайман", - деди Собослаи.
