"Аякс" Эредивизияда кетма-кет иккинчи ғалабасини қўлга киритди.
11-турнинг бугунги ўйинида "Аякс" "Херенвен"ни мағлуб этди (4:1). Аввалги ўйинда жамоа "Волендам"ни мағлуб этганди (2:0).
Жамоага вақтинчалик бош мураббий этиб тайинланган Жон ван'т Схип қўл остидаги "Аякс" мавсум бошидан бери биринчи марта кетма-кет 2 учрашувда ғалаба қозонишга муваффақ бўлди. Бунгача жамоа кетма-кет 10 учрашувда ғалаба қозона олмаганди.
Амстердам клуби 10 учрашувда 11 очко жамғариб, турнир жадвалида 11-ўринга кўтарилиб олди.
