Пайшанба куни бразилиялик ҳужумчи Неймар жарроҳлик амалиётини бошдан кечиргани ва операция муваффақиятли ўтгани ҳақида хабар берган эдик, хабарларга кўра у Родриго Ласмар кўригидан сўнг шифохонадан чиқарилган.
У матбуотга қулай шароитда жароҳат Неймарнинг жисмоний қобилиятига таъсир қилмаслигини тушунтирди. У тикланиш жараёнини уйда давом эттиради. Футболчининг майдонга қайтиши кутилаётган сана - анъанавий равишда июнь ойида бўлиб ўтадиган Америка кубоги.
Эслатиб ўтамиз, бразилиялик форвард ўтган ёздан бери Саудиянинг “Ал-Ҳилол” клубида тўп тепмоқда.
