"Реал Мадрид" ярим ҳимоячиси Ферерико Вальверде клуб сафида Испания чемпионатидаги 150-учрашувини ўтказди.

25 ёшли уругвайлик футболчи Ла Лиганинг 12-туридан ўрин олган "Райо Вальекано" билан ўйинда бу кўрсаткичга эришди. “Сантьяго Бернабеу” стадионида кечган учрашув 0:0 ҳисобида якунланди.

Вальверде "Реал Мадрид"га 2018 йилнинг июлида "РМ Кастилья"дан келиб қўшилган эди. Футболчининг клуб билан шартномаси 2027 йилнинг ёзига қадар мўлжалланган. Transfermarkt ярим ҳимоячини 100 миллион еврога баҳоламоқда.

Вальверде "Реал Мадрид" сафида 150 та ўйинда майдонга тушиб, 13 та гол урди ва 13 та голли узатмани амалга оширди.