"Манчестер Юнайтед" дарвозабони Андре Онана жамоасининг мавсумни беқарор бошлагани ҳақида гапирди.
Эслатиб ўтамиз, "манкунианликлар" жорий мавсумда барча турнирларда 7 та ўйинда мағлуб бўлишган. Айниқса Онананинг қўпол хатолари учун танқид қилинди.
"Баъзида ютқазишинг мумкин, лекин ҳар бир учрашувда курашишинг керак. Баъзан биз хато қиламиз, бу ҳаётнинг бир қисмидир. Бу клубда биз доимо курашишимиз керак. Биз қўлимиздан келганича ҳаракат қиляпмиз ва аллақачон характер кўрсатиб бўлганмиз. Мен жамоанинг истаги ва бирлигидан хурсандман", - деди Онана Centre Devils билан суҳбатда.
Эслатиб ўтамиз, Онана жорий мавсум бошланишидан олдин "Интер"дан "Манчестер Юнайтед"га ўтган эди.
