"Бавария" президенти Герберт Хайнер ўтган ёзда "Тоттенхэм"дан Томас Тухель жамоасига қўшилган мюнхенликлар ҳужумчиси Харри Кейнни мақтади.
"Харри билан шартнома имзолаганимизда, клубдагиларнинг барчаси у бизга ёрдам беришига умид қилишган. Бизга тоза "тўққизлик" керак эди. Кейн дунёнинг энг яхши ҳужумчиларидан бири, буни йиллар давомида исботлаган. Унинг ҳозир "Бавария"да ўйнаши ўзгача", — деди Хайнер Magenta TVга.
Эслатиб ўтамиз, Кейн Бундеслиганинг сўнгги турида Дортмунднинг "Боруссия" жамоасига қарши ўйинда хет-трик қайд этди. Англиялик футболчи чемпионатнинг 10 та учрашувида 15 та гол урди ва 5 та голли узатмани амалга оширди.
