"Барселона" ҳужумчиси Роберт Левандовски гол уришда муаммога дуч келмоқда. "Блауграна" ҳужумчиси кетма-кет олтита учрашувдан бери гол ура олмаяпти.
Чемпионлар лигаси доирасида "Шахтёр"га қарши ўйинда польяк "Барса" мухлисларини гол билан хурсанд қилмади. Унинг "қуруқ" серияси 26 сентябрь куни Ла Лига доирасида "Мальорка" билан сафар учрашувида (2:2) бошланган. Ўшандан бери Роберт "Севилья", "Порту", "Реал Мадрид", "Реал Сосьедад" ва шунга мос равишда "Шахтёр"га гол ура олмади. Октябрь ойида форвард жароҳати туфайли уч ҳафтага сафдан чиққан эди.
Opta қайд этганидек, бу Робертнинг 2011 йилдан бери энг ёмон серияси. Ўшанда у 2010 йилнинг декабридан 2011 йилнинг февралигача «Боруссия Дортмунд» футболчиси сифатида гол ура олмади.
