Саудия Арабистонининг “Ал-Иттиҳод” клуби португалиялик мутахассис Нуну Санту истеъфога чиқарилгач, янги бош мураббий қидирмоқда.

Журналист Руди Галеттининг ижтимоий тармоқларда хабар беришича, “Ал-Иттиҳод” раҳбарияти “Рома” бош мураббийи Жозе Моуриньони Саудия Арабистони жамоасига мураббийликка таклиф қилишдан манфаатдор.

Олдинроқ Жозе Моуриньо 2023/2024 йилги мавсум якунида Рим клубини тарк этиши мумкинлиги ҳақида хабарлар тарқалган эди. “Ал-Иттиҳод” таркибида португалиялик мутахассис “Реал”да бирга ишлаган франциялик ҳужумчи Карим Бензема ҳам бор.

Эслатиб ўтамиз, Моуриньо “Рома”ни 2021 йилдан буён бошқариб келмоқда. Рим клуби билан 2021/2022 йилги мавсумда Конференция лигасида ғолиб чиқди. Айни пайтда "Рома" Италия чемпионати турнир жадвалида еттинчи ўринда бормоқда. Моуриньо шогирдлари 11 турдан сўнг 17 очко жамғарди.