«ПСЖ» ҳужумчиси Килиан Мбаппе ҳамон жамоасининг Чемпионлар лигаси плей-офф босқичига чиқа олишига ишонмоқда.
Эслатиб ўтамиз, кеча парижликлар сафарда «Милан»га 1:2 ҳисобида имкониятни бой бериб, бунинг эвазига гуруҳда иккинчи ўринга тушиб қолганди.
«Биз фақат олдинга қарашимиз керак. Тақдиримиз ҳамон ўз қўлимизда ва кейинги ўйинда ўз уйимизда ғалаба қозониб, гуруҳдан чиқиш учун бор имкониятимизни ишга соламиз.
Сўнгги икки ўйин? Биринчи ўйинни ўз уйимизда ўтказамиз, у ерда ўзимизга катта ишонч бор. Биз бу ўйинда ғалаба қозониб, сўнг сўнгги ўйингача имкониятимизни мустаҳкамлашимиз керак», — дея Мбаппенинг сўзларидан иқтибос келтиради француз журналисти Адриен Гренье.
