Бразилиянинг «Флуминенсе» клубининг ҳужумкор ярим ҳимоячиси Жон Ариас фаолиятини Франция чемпионатида давом эттириш имкониятига эга.
Журналист Жоау Фелипе Кадавиднинг ёзишича, «Ницца» футболчи билан шартнома имзоламоқчи.
Инсайдернинг ёзишича, француз клуби раҳбарияти колумбиялик футболчига таклиф билан чиққан, унга шунингдек, Санкт-Петербургнинг «Зенит» клуби ҳам даъвогарлик қилмоқда.
Аввалроқ петербургликлар Ариас учун 12 миллион евро таклиф қилгани, аммо бу рад этилгани ҳақида хабар берилганди.
Қанот футболчисининг бразилияликлар билан шартномаси 2026 йилнинг ўрталарига қадар тузилган.
Transfrmarkt экспертлари Ариаснинг қийматини саккиз миллион еврога баҳоламоқда.
