"Реал Мадрид"нинг Эндрик борасидаги режаси ошкор бўлди.
Мадрид клуби "Палмейрас" ҳужумчисининг трансферини 2022 йилнинг декабрида 35+25 миллион еврога эълон қилган эди. У 2024 йилнинг ёзида, 18 ёшга тўлганидан кейин "Қироллик клуби"га ўтади.
"Кастилья"да мослашиш даврини ўтказган Винисиус Жуниор ва Родриго билан боғлиқ вазиятдан фарқли ўлароқ, Эндрикни ўринбосарлар сафига ўтказиш режаси йўқ.
"Реал" бразилияликни дарҳол асосий жамоага қўшиш ниятида, аммо футболчининг биринчи мавсумида захирадан ўйнашини кутилмоқда.
Шунингдек, UOL хабарига кўра, мадридликлар Эндрикни Бразилия чемпионатида ижара асосида қолдирмайди ва уни Европанинг ҳеч бир жамоасига ижарага беришни режалаштирмаяпти.
Қайд этилишича, агар Карло Анчелотти кетса ва янги бош мураббий тайинланса, бу режалар ўзгариши мумкин.
