Мадридда “Селтик” мухлислари тартибсизликлар уюштиришди.
Шотландия клуби мухлислари кеча бўлиб ўтган "Атлетико" (0:6) билан Чемпионлар лигаси учрашувини томоша қилиш учун Испания пойтахтига етиб келишганди.
El Chiringuito нашрига кўра, мухлислар Фаластин байроқларини кўрсатишган, кўчада фейерверк ёқишган, жамоат майдонларида футбол ўйнашган, кўчада ахлат ташлаб, деворларга чизиб юборишган.
Мухлисларни ўйиндан олдин ва кейин Испания полицияси кузатиб борди. Полиция билан бир нечта кичик тўқнашувларга қарамай, жиддий можаро содир бўлмади.
