“Бавария” Чемпионлар лигаси гуруҳ босқичидаги мағлубиятсиз сериясини 38 та ўйинга етказди.
Чемпионлар лигаси гуруҳ босқичининг 4-турида “Бавария” “Галатасарой”ни мағлуб этди (2:1).
Томас Тухель бошчилигидаги жамоа турнирнинг гуруҳ босқичидаги мағлубиятсиз сериясини узайтирди - "Бавария" кетма-кет 38 учрашувдан бери мағлубиятга учрамади.
Немис жамоаси гуруҳ босқичида кетма-кет 17-ғалабага эришди, бу ҳам Чемпионлар Лигаси рекорди ҳисобланади.
Охирги марта "Бавария" гуруҳ босқичида 2017 йилда "ПСЖ"дан мағлуб бўлганди. Ўшандан бери немис клуби 35 ғалаба ва 3 дуранг қайд этган.
