"Арсенал" бош мураббийи Микель Артета "Севилья"га қарши Чемпионлар лигаси ўйинида жамоасининг ўйинини юқори баҳолади.
Леадро Троссард ва Букайо Саканинг аниқ зарбалари эвазига Лондон жамоаси ғалаба қозонди (2:0).
“Жамоанинг ўйинидан жуда мамнунман. Футболчилар керакли тажовузкорлик ва қатъиятни кўрсатишди. Биз тўпни йўқотганимизда уни тезда қайтариб олиб, ажойиб иш қилдик. Европада бу борада муваффақиятга эришиш жуда қийин. "Севилья" жуда хавфли, аммо бугун биз дарвозамизга фақат битта зарба беришга имкон бердик ва бу 97-дақиқада эди", - деди Артета TNT Sports телеканалига берган интервьюсида.
