«Наполи» ҳужумчиси Виктор Осимхен Лондоннинг «Тоттенхэм» клуби қизиқишлари доирасида қолмоқда, дея хабар беради Todofichajes.
Манбанинг хабарига кўра, «шпорлар» Иван Тоунининг трансфери борасида «Брентфорд» билан келишувга эриша олмаса, нигериялик ҳужумчи учун курашга киришади.
Премьер-лигада Осимхенга «Челси» ва «Манчестер Юнайтед» ҳам қизиқиш билдирмоқда.
Ўтган мавсумда Виктор 26 та гол билан Италия чемпионатининг энг яхши тўпурарига айланганди. Жорий мавсумда ҳужумчи саккизта ўйинда олтита гол урди.
Transfermarkt портали Осимхеннинг бозор қийматини 120 миллион еврога баҳоламоқда.
