"Бёрнли" ўзининг расмий сайтида баёнот эълон қилди. Унда айтилишича, ҳужумчи Лайл Фостер яқинда клуб билан боғланиб, унинг руҳий саломатлиги билан боғлиқ муаммолар борлигини маълум қилган. Айни пайтда 23 ёшли футболчи мутахассислар назоратида.
Айтиш жоизки, Фостер "Бёрнли"нинг сўнгги ўйинларини ўтказиб юборган, у охирги марта 21 октябрь куни майдонга тушган эди.
Эслатиб ўтамиз, Лайл Фостер январ ойидан бери “Бёрнли” шарафини ҳимоя қилиб келмоқда. 2023/2024 йилги мавсумнинг саккизта учрашувида Жанубий Африка вакили учта гол урди ва иккита голли узатмани амалга оширди.













