«ПСЖ» академияси тарбияланувчиси Уоррен Заир-Эмерининг муваффақияти Франция терма жамоасини ҳам эътибордан четда қолдирмади.
17 ёшли футболчи Дидье Дешам жамоасининг ноябрь ойидаги йиғинига чақирилди.
«ПСЖ» ижтимоий тармоқларда Заир-Эмерининг ётоқда хотиржам ётгани, унинг жамоадошлари тўсатдан унинг устига тўпланиб қолгани акс этган видеони эълон қилди.
Килиан Мбаппе ва яна бир қанча футболчилар шу тариқа ёш ярим ҳимоячини терма жамоага дебют чақируви билан табриклади.
2023/2024 йилги мавсумда Уоррен Заир-Эмери 14 ўйин ўтказиб, иккита гол урди ва шерикларига бешта голли узатма берди.
