Австралияда давом этаётган теннис бўйича Брисбэн интернейшнл халқаро мусобақасида бугун яккаликлар ўртасида чорак финал баҳслари бўлиб ўтди. Ўзбекистоннинг биринчи рақамли ракеткаси Денис Истомин мусобақанинг биринчи рақам билан тартибланган спортчиси Энди Маррейга қарши кортга чиқди.

Биринчи сетда Истомин икки марта брейк-поинтга эга бўлишига қарамай, улардан фойдалана олмади. Аксинча, британиялик теннисчи бундан имкониятдан фойдаланди ва сетни ўз фойдасига ҳал қилди — 4:6.

Иккинчи сетда тенгкурашлар остида кечди ва бўлим тақдири тай-брекда ҳал бўлди. Теннис "лоторея"сини муваффақиятли бошлаган Денис, рақибининг тўп оширишида мини-брейкни амалга оширди ва 3:1 ҳисобида олдинга чиқиб олди. Аммо Маррей шундан сўнг кетма-кет очколарни қўлга киритди ва тай-брекни 7:3 ҳисобида ўз фойдасига ҳал қилди.

Мусобақанинг чорак финалигача етиб келган Истомин ўз ҳисобига 45 рейтинг очкосини ёзиб қўйди. Шунингдек, у 10810 долларга ҳам эга бўладиган бўлди.

Брисбэн Интернейшнл. Чорак финал.
Энди Маррей (Буюк Британия) - Денис Истомин (Ўзбекистон) - 2:0 (6:4, 7:5 (3)
Александр Долгополов (Украина) - Кей Кишикори (Япония) - 0:2 (4:6, 6:7 (3)
Маркос Багдатис (Кипр) - Жиль Симон (Франция) - 2:0 (6:3, 6:4)
Юрген Мелзер (Австрия) - Григор Димитров (Болгария) - 0:2 (3:6, 2:6)

Ярим финал
Энди Маррей - Кей Кишикори
Маркос Багдатис - Григор Димитров