“Брайтон” бош мураббийи Роберто де Дзерби жамоа ҳужумчиси Ансу Фатининг “Аякс” билан Европа лигаси 4-тур учрашувидаги ўйинига юқори баҳо берди.

Учрашув инглиз клубининг 2:0 ҳисобидаги ғалабаси билан якунланди. Фати асосий таркибда майдонга тушиб, 65 дақиқа ўйнади. Бу вақт ичида 21 ёшли футболчи гол ва голли узатмани амалга оширди.

“Мен ҳар доим Фатидан кўпроқ нарсани кутаман. У яхши ўйин ўтказди. Иккинчи голимиздан сўнг у кўпроқ гол уриш учун имкониятларга эга бўлди, аммо у кўпроқ ҳаракат қилиши керак", - дея Де Зерби сўзларини келтиради журналист Фабрицио Романо ижтимоий тармоқдаги саҳифасида.

Эслатиб ўтамиз, Фати жорий мавсумни "Брайтон"да ижара асосида ўтказмоқда, футболчининг шартномаси "Барселона"га тегишли. Жорий мавсумда испаниялик барча мусобақаларда 11 та ўйин ўтказиб, 4 та гол урди ва битта голли узатмани амалга оширди.