«Челси» бош мураббийи Маурисио Почеттино Ромео Лавиянинг аҳволи ҳақидаги саволга жавоб берди.
«Лавия қайтишга яқин, у бугун биз билан машғулот ўтказди. Умид қиламанки, у кейинги ҳафтада жамоага жалб қилинади, кейин эса у бизга қачон ёрдам бера олишига баҳо берамиз», - дея Почеттинонинг сўзларини келтиради журналист Фабрицио Романо ижтимоий тармоқдаги саҳифасида.
Эслатиб ўтамиз, 19 ёшли футболчи жамоага шу йилнинг август ойида келиб қўшилган эди. Аммо жароҳати сабаб «Челси» сафида ҳалигача дебют ўтказа олмади.
