«Chelsi» bosh murabbiyi Maurisio Pochettino Romeo Laviyaning ahvoli haqidagi savolga javob berdi.
«Laviya qaytishga yaqin, u bugun biz bilan mashg‘ulot o‘tkazdi. Umid qilamanki, u keyingi haftada jamoaga jalb qilinadi, keyin esa u bizga qachon yordam bera olishiga baho beramiz», - deya Pochettinoning so‘zlarini keltiradi jurnalist Fabrisio Romano ijtimoiy tarmoqdagi sahifasida.
Eslatib o‘tamiz, 19 yoshli futbolchi jamoaga shu yilning avgust oyida kelib qo‘shilgan edi. Ammo jarohati sabab «Chelsi» safida haligacha debyut o‘tkaza olmadi.
