Манбага кўра, "Манчестер Юнайтед" марказий ҳимоячиси Рафаэль Варан бош мураббий Эрик тен Хаг билан яхши муносабатда эмас.
Франциялик футболчи жароҳатлар билан боғлиқ муаммоларга дуч келмоқда ва октябрь ойи охирида у кутилмаганда "Манчестер Сити"га қарши ўйинда захирада қолди. 30 ёшли футболчи "Ньюкасл"га қарши ўйин учун қайдномага умуман киритилмаганди (хабар берилганидек, касаллик туфайли), "Фулхэм" билан учрашувда эса қўшиб берилган вақтда захирадан майдонга тушди.
Журналист Жеймс Дукернинг сўзларига кўра, Варан ва Тен Хаг ўртасидаги муносабатлар сўнгги ҳафталарда кескинлашган. Футболчининг асосий таркибдаги доимий ўрнини йўқотиб қўйганининг сабабларидан бири айнан шу билан изоҳланмоқда.
