Мадриднинг “Реал” клуби ярим ҳимоячиси Арда Гюлер жароҳати сабаб яна майдонга туша олмайди.

18 ёшли футболчи мавсум бошида олган жароҳатидан эндигина фориғ бўлганди, аммо кеча у яна касалхонага ётқизилди. Турк юлдузининг янги жароҳати жума куни маълум бўлди. Нуфузли инсайдер Фабрицио Романонинг сўзларига кўра, "Реал Мадрид" кейинги ой бошида Гюлернинг тўлиқ тикланишини кутмоқда. Кейин унинг "қаймоқранглилар" учун дебюти бўлиб ўтиши керак.

Арда Гюлер ўтган ёзда Туркиянинг "Фенербахче" клубидан "Реал Мадрид"га ўтган эди. Ҳужумкор ярим ҳимоячи Карло Анчелотти жамоасининг сўнгги икки ўйинида қайдномага кирди, бироқ ҳар икки сафар ҳам захирада қолди.