"Ницца" марказий ҳимоячиси Жан-Клер Тодибо катта суммага сотилиши мумкин
23 ёшли футболчига Лондоннинг "Челси" ва "Манчестер Юнайтед" клублари қизиқиш билдирмоқда. Ўтиш 2024 йилда амалга ошиши мумкин ва унинг потенциал қиймати 30-40 миллион еврога баҳоланмоқда, деб хабар беради Sport. Маълумки, бўлажак шартнома суммасининг 20 фоизи "Барселона"га тушади. Шу тариқа, Каталония клуби собиқ футболчисининг трансфери эвазига 8 миллион еврогача даромад олиши мумкин.
Жан-Клер Тодибо 2021 йилдан бери "Ницца"га тегишли. Жорий мавсумда франциялик футболчи ўнта ўйинда иштирок этиб, битта голли узатмани амалга оширди.
