«Манчестер Юнайтед»нинг собиқ футболчиси Гари Невилл бўлажак «Челси» - «Манчестер Сити» учрашуви ҳақидаги тахмини билан ўртоқлашди.
«Кўклар» АПЛ доирасида ўз уйида «шаҳарликлар»ни қабул қилади. Учрашув якшанба куни бўлиб ўтади.
«Тўғрисини айтсам, «Челси» «Манчестер Сити» билан кураша олади, деб ўйлайман. «Стэмфорд Бриж»да кўрган бир неча ўйинда жамоа кучли рақибга қарши яхши ўйнаган.
«Челси» «Арсенал» ва «Ливерпул»га қарши ўйинларда жуда яхши ўйнади. Ўйлайманки, бу сафар 1:1 бўлади», - деди ўйин олдидан мутахассис.
«Челси» АПЛ турнир жадвалида 11 турдан кейин 15 очко билан ўнинчи ўринда бормоқда. «Манчестер Сити» 27 очко билан биринчи ўринда.
