«Реал Мадрид» бош мураббийи Карло Анчелотти бир қатор муҳим футболчилар билан келишувлар ҳақида фикр билдирди.
Яқинда «қироллик клуби» бирданига тўрт нафар футболчи - Винисиус Жуниор, Родриго, Федерико Вальверде ва Эдуардо Камавинга билан меҳнат шартномасини узайтиришини расман эълон қилганди.
Тўртталаси ҳам «Реал Мадрид»нинг узоқ муддатли режаларидаги асосий фигуралар саналади.
«Улар бу ерда жуда хурсанд. Бундай футболчилар билан «Реал»нинг келажаги порлоқ бўлиши аниқ.
Мен уларга ҳасад қиламанми? Йўқ, бунақаси йўқ», - деди Карло ота.
